გაიცანით, ოქსანა ეგოროვა "გაუმჯობესებული ბავშვთა დაცვის სისტემა გურიასა და კახეთში" პროექტის მონაწილეა. ოქსანა დასაქმების და პროფესიული დაგეგმვის სერვისში 2023 წლის 24 თებერვალს ჩაერთო. ოქსანა წარმოშიბით უკრაინელია. ამჟამად დიასახლისი, ყავს მეუღლე და ოთხი შვილი. იგი შეზღუდული შესაძლებლობის მქონე ბავშვის მშობელია.

ოქსანას ოჯახის წევრები წლების განმავლობაში მეფუტკრეობას მისდევდნენ, თუმცა ფუტკრის დაავადებების გამო მხოლოდ რამდენიმე ოჯახი შემორჩათ. ოქსანას ჰქონდა სურვილი წამოეწყო საქმიანობა, რომელიც ხელს შეუწყობდა ოჯახის ეკონომიკურ გაძლიერებას და ამასთანავე ყურადღებას არ მოაკლებდა შვილებს. მან ოჯახის ძველი საქმიანობა გააგრძელა. პროექტის ფარგლებში გაიარა მცირე კურსი მეფუტკრეობაში, გადაეცა ფუტკრების ოჯახები სკებით. აღნიშნული საქმიანობა ოჯახს სამომავლო ფინანსურ უზრუნველყოფაში დაეხმარება.

ოქსანა აღნიშნავს ,, ცხოვრების ახალ ეტაპზე იმ საქმეს ვიწყებ, რაც ასე ძალიან მომწონდა და ყოველთვის მქონდა სურვილი ოჯახის ტრადიციული საქმიანობა გამეგრძელებინა".

პროექტი გერმანიის ეკონომიკური თანამშრომლობისა და განვითარების, ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით ხორციელდება.

კახეთის სამხარეო განვითარების ცენტრმა სახელწიფო ზრუნვაში მყოფი ახალგაზრდებისთვის გამოაცხადა მცირე საგრანტო ინიციატივების კონკურსი. კონკურსის გამოცხადებამდე, ცენტრის ხელშეწყობით ნინომ გაიარა პროექტის წერის და სამეწარმეო უნარების განვითარების ტრენინგები. იქიდან გამომდინარე, რომ გოგონას ეხერხებოდა ხელნაკეთი სამკაულების დამზადება, საპროექტო იდეაც, სწორედ ამ მიმართულებით დაამუშავა. ნინომ წამრმატებით გაართვა თავი ყველა ეტაპს და გამარჯვებაც მოიპოვა. 

დაფინანსებული პროექტის ფარგლებში ნინომ გაიარა სასწავლო კურსი, დაეუფლა ხელნაკეთი სამკაულების დამზადების ტექნიკებს და დღეს ის უკვე დამოუკიდებლად ცდილობს მართოს და განავითაროს აღნიშნული საქმე. 

მიუხედავად იმისა, რომ ნინო სტუდენტია და საკმაოდ დატვირთული ცხოვრება აქვს, მაინც ახერხებს და მნიშვნელოვან დროს უთმობს საყვარელ საქმიანობას, ცდილობს საკუთარი უნარების კიდევ უფრო განვითარებას და ნივთების ეფექტურ რეალიზებას. 

"არ მეგონა, რომ პროცესს ასე მარტივად გავართმევდი თავს. სამკაულების დამზადება ჩემთვის საქმესთან ერთად განტვირთვის და დასვენების საშუალებაა. ვისურვებდი, რომ ყველა ჩემ თანატოლს მიეცეს ასეთი შესაძლებლობა, რაც მე კახეთის სამხარეო განვითარების ცენტრმა მომცა. ეს ყველა ჩვენგანისთვის ძალიან აუცილებელია" - აღნიშნავს ნინო.  

მარინა ახალგაზრდა გოგოა, რომელიც ორ მცირეწლოვან შვილთან და მეუღლესთან ერთად კახეთის სამხარეო განვითარების ცენტრის პარტნიორ თემში ცხოვრობს. მარინას ყოველდღიურობა ბავშვების აღზრდითა და ოჯახური საქმიანობით შემოიფარგლებოდა, თუმცა მას ბევრი სხვა უნარ-ჩვევაც გააჩნდა, რომლის რეალიზებაც შესაძლებელი იყო მხარდაჭერის შემთხვევაში. კსგ ცენტრის მხარდაჭერა და ხელშეწყობა უმნიშვნელოვანესი აღმოჩნდა მარინასთვის და მისი ოჯახისთვის.

მარინას ყოველთვის იზიდავდა და აინტერესებდა ქსოვა, ქარგვა და ხელნაკეთი ნივთების დამზადება. თუმცა, ვერ წარმოიდგენდა, რომ მისი შემდგომი საქმიანობა ზუსტად მის საყვარელ საქმეს დაუკავშირდებოდა. მარინას ოჯახთან მუშაობის პროცესში გამოიკვეთა, რომ მისთვის განსაკუთრებულ ინტერესს თექის დამუშვების ხელოვნება წარმოადგენდა და გადაწყდა, რომ სწორედ ამ მიმართულებით განევითარებინა უნარ-ჩვევები, რომელიც შემდგომში მისთვის მცირე შემოსავლის წყაროც გახდებოდა.

კახეთის სამხარეო განვითარების ცენტრის ჩართულობის შემდეგ მისი ცხოვრება სრულიად შეიცვალა. ორგანიზაციის დახმარებით მარინამ გაიარა პროფესიული გადამზადება, შეისწავლა თექის დამუშავების ტექნიკა და თექისგან აქსესუარებისა და სუვენირების დამზადება დაიწყო. საკუთარი საქმის წამოსაწყებად მარინას ცენტრის მიერ გადაეცა ნივთების დამზადებისთვის საჭირო ყველა მასალა, რის შემდგომაც ცენტრის ჩართულობით ხელნაკეთი ნივთების რეალიზებაზე ზრუვაც დაიწყო.

დღეს მარინას უკვე საკუთარი საქმე აქვს. მას მცირე შემოსავალიც გაუჩნდა და დამოუკიდებელ და რეალიზებულ ქალად იქცა.  

„ორგანიზაცია ჩემ ცხოვრებაში მოულოდნელად გამოჩნდა და მას შემდეგ ყველაფერი შეიცვალა. შესაძლებლობა მომეცა, რომ შემესწავლა და მეკეთებინა ის, რაც ყოველთვის მომწონდა და რაც მთავარია ეს საქმე ჩემი შემოსავლის წყაროდ მექცია. მას შემდეგ რაც თექაზე მუშაობა და მისი რეალიზება დავიწყე უფრო თავდაჯერებული გავხვდი. მე, როგორც დედა, ბედნიერი ვარ, რომ მაქვს შესაძლებლობა ჩემი საკუთარი შემოსავლებით ვუზრუნველყო ჩემი შვილების კეთილდღეობა. კსგ ცენტრის დახმარებით ჩემი და ჩემი შვილების ცხოვრებაში არაერთი პოზიტიური ცვლილება განხორციელდა" - აღნიშნავს მარინა. 

სალომე კახეთის სამხარეო განვითარების ცენტრის პარტნიორ თემში მცხოვრები მარტოხელა მშობელია, რომელიც უკვე წლებია სრულიად მარტო ზრუნავს სამ მცირეწლოვან შვილზე. კსგ ცენტრთან შეხვედრამ სალომეს და მისი გოგონების ცხოვრება რადიკალურად შეცვალა. მიუხედავად იმისა, რომ სალომე მზრუნველი და მოსიყვარილე მშობელია, საყოფაცხოვრებო პირობების და სოციალური სიდუხჭირის გამო ვერ ახერხებდა შვილებზე სათანადოდ ზრუნვას და მათი საბაზისო საჭიროებების დაკმაყოფილებას. მცირე შემოსავლის გამო სალომეს უჭირდა ბავშვების გამოკვება და ხშირ შემთხვევაში ბავშვები მშივრები იყვნენ. მათ არც საკმარისი შეშა ჰქონდათ სახლის გასათბობად და მეზობლების იმედად ახერხებდნენ ზამთრის გადატანას.

მეუღლისგან მიტოვებულმა სალომემ შვილებთან ერთად რამდენიმე წელი გაატარა ერთ-ერთ დასახლებაში, ახლობლის მიერ ნათხოვარ ბინაში, სადაც არც ავეჯი, არც სითბო და არც ბავშვების განვითარებისთვის სხვა მნიშვნელოვანი პირობები იყო. სალომე სოციალური დახმარების იმედად ცდილობდა ბავშვებზე ზრუნვას. არ გააჩნდა მხარდამჭერი წრე და გაჭირვებით ართმევდა თავს დაკისრებულ პასუხისმგებლობას.

მას შემდეგ, რაც კსგ ცენტრისთვის გახდა ცნობილი სალომეს ოჯახის შესახებ ისინი დაუყოვნებლივ ჩაერთნენ ოჯახის მხარდაჭერ მომსახურებაში. სალომესთან შეხვედრის შემდგომ ცხადი გახდა, რომ ოჯახში მაღალი რისკი არსებობდა იმისა, რომ შეუფერებელი გარემო პირობების გამო ბავშვები სახელმწიფო ზრუნვაში გადასულიყვნენ. სწორედ ამიტომ კსგ პროგრამამ სალომესთან კომპლექსური სამუშაოები დაგეგმა.

ოჯახის მხარდამჭერთან ერთად დაიწყო ინტენსიური მუშაობა სალომეს უნარ-ჩვევების განვითარების კუთხით. პირველ ეტაპზე მოხდა მისი საცხოვრებელი პირობების მოწესრიგება. მუნიციპალიტეტის სოციალური სამსახურის დახმარებით სალომემ სოფელში იქირავა უსაფრთხო და დაცული ბინა სადაც, ბავშვების სიცოცხლეს ჯანმრთელობას და განვითარებას არ ექმნება საფრთხე. გარდა ამისა აქტიური მუშაობა დაიგეგმა ახალგაზრდა დედის პროფესიული განვითარების კუთხით. მოხდა სამუშაო ადგილის მოძიება და სალომეს დასაქმება.  ის აქტიურად ჩაერთო სამუშაო პროცესში და გარდა იმისა, რომ დასაქმდა, ასევე აქტიური სოციალური ცხოვრება დაიწყო.

შეიძლება ითქვას, რომ სალომეს, რომელსაც აქამდე საკუთარ შვილებზე ზრუნვაც კი უჭირდა და მომავალს შიშით უყურებდა, ახლა დამოუკიდებელი და ძლიერი ქალია, რომელიც ყოველგვარი დახმარების გარეშე დამოუკიდებლად ახერხებს შვილებზე სრულყოფილ ზრუნვას, ცხოვრობს დაცულ და უსაფრთხო გარემოში და აქტიურ სოციალურ ცხოვრებას ეწევა.

2019 წლის დეკემბრის თვეში კახეთის სამხარეო განვითარების ცენტრმა სახელმწიფო ზრუნვაში მყოფი და ზრუნვიდან გასული ახალგაზრდებისთვის გამოაცხადა მცირე საგრანტო კონკურსი - საპროექტო იდეების დაფინანსება, რასაც წინ უძღვოდა ახალგაზრდების მომზადება პროექტის წერასა და ზოგად სამეწარმეო უნარებში.

განსაკუთრებული აქტიურობით ორი ახალგაზრდა გოგონა გამოირჩეოდა. ერთ-ერთი საპროექტო იდეა ანიმაციური გმირების კოსტუმების შეძენას და ბავშვთა და მოზარდთა დაბადების დღისთვის ანიმატორთა ჯგუფის ფუნქციონირებას მოიცავდა. იდეის ავტორმა ცენტრისგან მოიპოვა დაფინანსება და დიდი ენთუზიაზმით დაისყო საქმიანობა. 

გოგონა, რომელიც მცირე ასაკიდან სახელმწიფო ზრუნვაში იმყოფებოდა. სულ პატარა იყო, როდესაც კახეთის სამხარეო განვითარების ცენტრის თანამშრომლებს შეხვდა და მას მერე არ გაუწყვეტია ორგანიზაციასთან ურთიერთობა. წლების განმავლობაში „მშვიდობის გზის“ კლუბის ერთგული წევრი იყო და ახლა უკვე ზრდასრული და წარმატებული ახალგაზრდაა.

"აღნიშნული ინიციატივა დამეხმარა ჩემი შესაძლებლობების გამოვლენაში. უფრო მეტად გავაანალიზე რა არის ჩემი ცხოვრების მიზანი, ინტერესი და მისწრაფება. ეს პროექტი ჩემთვის ნიშნავს დამოუკიდებლად გადაწყევეტილების მიღების შესაძლებლობას, მომავალი ცხოვრების პერსპექტივაზე ფიქრს, შემოსავლის წყაროს, რაც ახალგაზრდობის ასაკში ძალიან მნიშვნელოვანია, ჩემთვის, როგორც სახელმწიფო ზრუნვაში მყოფი ახალგარზდისთვის. კახეთის სამხარეო განვითარების ცენტრმა შემმატა თავდაჯერებულობა, დამეხმარა ემოციების მართვის უნარების ჩამოყალიბებაში და რაც ყველაზე მთავარია მასწავლა როგორ უნდა ვიბრძოლო წარმატებისთვის. ძალიან ბევრი მნიშვნელოვანი მოვლენა ჩემ ცხოვრებაში სწორედ კახეთის სამხარეო განვითარების ცენტრს და იმ გუნდს უკავშირდება, რომლებიც იქ მუშაობენ“ - აღნიშნა სალომემ. 

გაიცანით, გიორგი ბახბახაშვილი "გაუმჯობესებული ბავშვთა დაცვის სისტემა გურიასა და კახეთში" პროექტის მონაწილეა. იგი სოფელ ვარდისუბანში მეუღლესთან, ოთხ შვილთან და დედასთან ერთად ცხოვრობს.

გიორგი ორჯერ იმყოფებოდა საზღვარგარეთ გერმანიაში დასაქმების ხელშემწყობი პროექტის ფარგლებში, სადაც ძირითადად სასოფლო სამეურნეო სამუშაოებში ჩართულობა მოეთხოვებოდა - ,, უცხო ქვეყანაში არავინ ხარ, ყველა, როგორც ჩამოსულს უცხოს გიყურებს“.

მას გარკვეული გამოცდილება ჰქონდა ფერმერულ საქმიანობაში. პროექტის ფარგლებში გიორგიმ და მისმა მეუღლემ გაიარეს ვეტერინარიის მცირე კურსი მეღორეობაში. გადაეცათ დედაღორი თორმეტი გოჭით.

დაიწყეს მეხორცული ჯიშის ღორის მოვლა-მოშენება. აღნიშნული საქმიანობა ოჯახს სამომავლო ფინანსულ უზრუნველყოფაში ეხმარება.

გიორგი აღნიშნავს ,,ვაცნობიერებ, რომ ეს პროექტი მაძლევს შესაძლებლობას, რომ ვიყო ჩემს ოჯახთან და გავძლიერდე ჩემს სოფელში ჩემს ქვეყანაში, ახლა ზუსტად ვიცი, რომ ჩემი შვილები მშივრები არ იქნებიან და მე, როგორც მშობელი უმჯობესია ვიყო აქ, რადგან ჩემს შვილებს დღეს აქ და ახლა ვჭირდები“.

პროექტი გერმანიის ეკონომიკური თანამშრომლობისა და განვითარების, ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით ხორციელდება.

გაიცანით, გოჩა ხოზბერუაშვილი, პროექტის -"გაუმჯობესებული ბავშვთა დაცვის სისტემა გურიასა და კახეთში" - მონაწილე. გოჩა ხოზბერუაშვილი დასაქმებისა და პროფესიული დაგეგმვის სერვისში 2022 წლის ოქტომბერში ჩაერთო. იგი სოფელ ვარდისუბანში , მეუღლესთან და შვილთან ერთად ცხოვრობს.

გოჩას ოჯახის წევრები წლების განმავლობაში სხვადასხვა სამეურნეო საქმიანობას ეწეოდნენ. მათ ქონდათ ინკუბატორი თუმცა ვერ ახერხებდნენ საქმიანობის გაფართოებას. მათი შემოსავალი საკმაოდ მწირი იყო. პროექტის ფინანსური მხარდაჭერით ოჯახს გადაეცა ინკუბატორი და დენის მარეგულირებელი. ამასთან ოჯახს გაეწია ვეტექიმის მომსახურება, სწავლება პრაქტიკის მიმართულებით. ოჯახმა შეძლო მოცემული ინვენტარის დანიშნულებისამებრ გამოყენება და საკუთარი შემოსავლის გაზრდა.

გოჩა აღნიშნავს ,, ყოველთვის საკუთარ ფრინველების ფერმაზე ვოცნებობდი, ვხედავ, როგორ სრულდება ჩემი ოცნება. ახლა მე და ჩემი ოჯახი ამ ოცნების ასრულების გზაზე ვართ დაზუსტად ვიცი, რომ ჩვენი ცხოვრება უმჯობესდება“

პროექტი გერმანიის ეკონომიკური თანამშრომლობისა და განვითარების, ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით ხორციელდება.

დონჩენკოების 5 შვილიანი ოჯახი სოფელ კურდღელაურში ცხოვრობს. ისინი ბოშათა თემის წარმომადგენლები არიან. ოჯახი უკვე რამდენიმე თვეა რაც ჩათულია „ეს-ო-ეს ბავშვთა სოფელი საქართველოსა“ და კახეთის სამხარეო განვითარების ცენტრის ერთობლივ პროექტში - „ გაუმჯობესებული ბავშვთა დაცვის სისტემები გურიასა და კახეთში“.   პროექტი ოჯახების შერჩევის დროს განსაკუთრებულ აქცენტს აკეთებს საზოგადოების სხვადასხვა კუთხით მოწყვლად ჯგუფებზე, მათ შორის არიან ეროვნული უმცირესობებიც, რომლებთანაც ხორციელდება პროექტის ფარგლებში გათვალისწინებული ქტივობები. გარდა ამისა, პროექტი ყოველთვის ითვალისწინებს  სხვა დამატებით, გარე შესაძლებლობებს, რათა ხელი შეუწყოს აღნიშნული ჯგუფების განათლებას, განვითარებას, საზოგადოებაში სრულფასოვან ინტეგრაციას, რაც თავის მხირვ ხელს უწყობს საზოგადოებრივი სტიგმისა და დისკრიმინაციის შემცირებას, სტრეოტიპების რღვევას და ბავშვთა და მოზარდთა კეთილდღეობას.

მსურს, გიამბოთ  ელიზავეტა დონჩენკოს შესახებ. 15 წლის ელიზავეტა კურდღელაურის საჯარო სკოლაში სწავლობს.  ელიზავეტა მოსიყვარულე, აქტიური და ხალისიანი გოგონაა.  როგორც მშობლები და პედაგოგები აღნიშნავენ ელიზავეტა საკმაოდ მაღალი მოტივაციით გამოირჩევა სწავლის და განვითარების მიმართ. კარგი მოსწავლეა და მიზნდ ისახავს რომ მომავლაშიც კარგი განთლება მიიღოს. მას სურს იყოს განთლებული, რათა დაიცვას თავიანთი თემის უფლებები, დაეხმაროს სხვა ბოშებს განვითარებასა და განათლების მიღებაში. ელიზავეტა და მისი ოჯახი ყოველთვის დიდი სიხარულით ხვდებიან პროექტის ფარგლებში შეთავაზებული სხვადასხვა საგანმანათლებლო აქტივობებს.

გასულ თვეს ელიზავეტამ პროეტქიდან საინტერესო შეთავაზება მიიღო: კახეთის სამხარეო განვითარების ცენტრისა და, სამოქალაქო საზოგადოების განვითარების ცენტრი (CSDC) პარტნიორობის ფარგლებში გაეროს ბავშვთა ფონდისა (UNICEF) და აშშ-ის საერთაშორისო განვითარების სააგენტოს (USAID)-ის მხარდაჭერით ხორციელდება პროგრამა „COVID-19 პანდემიის პრევენცია დაუცველ მოზარდებში ჰიგიენის ხელშეწყობის გზით“. პროგრამის მიზანია უსაფრთხო ჰიგიენის პრაქტიკების სწავლება და ინფორმირებულობის ამაღლება 12-17 წლამდე მოზარდებში. (სამიზნე ჯგუფებია: მიუსაფარი, მზრუნველობა მოკლებული, სკოლის მიღმა დარჩენილი მოზარდები).აღნიშნული პროექტის ფარგლებში კახეთში შეირჩა 12 მოზარდი და მოხდა მათი გადამზადება რის შემდეგაც ისინი, როგორც თანასწორგანმანათლებლები გააგრძელებენ მუშაობას თავიანთ თანტოლებთან. კახეთის სამხარეო განვითარების ცენტრმა, შეთავაზება გაუკეთა ოჯახის გაძლიერების პროექტის სამიზნე ოჯახების მოზარდებს, მათ შორის ელიზავეტასაც. დონჩენკოების ოჯახი დიდი ინტერესითა და სიხარულით შეხვდა ამ ინიციატივა, ელიზავეტამ დაუყონებლივ გაირა სესარჩევი კონკურსი და შერჩეულ იქნა 12 მოზარდს შორის. როგრც თავდ ელიზავეტა გვიზიარებს მისთვის ეს პირველი შემტხვევა იყო, როდესაც ასეთ საინტერესო ინიციატივაში ჩაერთო. ის განსაკუთრებულად უსვამს ხაზსს პროექტის ფარგლებსი ჩატარებული 3 დღიან ტრენინგს , რომელიც დაბა ცემში ჩატარდა. ელიზავეტა აღნიშნავს, რომ ეს მისთვის ერთ-ერთი ყველაზე მნიშვნელოვანი და პირველი დამოუკიდებელი გამოცდილება იყო.

გადამზადებული მოზარდები აქტიურად გააგრძლებებნ მუშაობს წლის მნაძილზე. ეს არის არაჩვეულებრივი შესაძლებლობა განსაკუთრებით ეროვნული უმცირესობის წარმომადგენელი ჯგუფებისთვის, რადგან მათ ეძლევათ შანსი, უფრო მეტი განვითარების, განათლების, საზოგადოებაში ინტეგრირების, რაც თავის მხირვ პოზიტიურად აისახება მოზარდების პიროვნულ ფორმირებაზე.

თამამად შემიძლია ვთქვა, რომ ეს იყო უპრეცენდენტო შემთხვევა, როდესაც ბოშათა თემის წარმომადგენელმა ახალგაზრდამ სრულფასოვანი მონაწილეობა მიიღო საგანმანათლებლო გასვლით ღონისძიებაში და გააგრძელებს საგანმანათლებლო აქტივობას თანატოლ ქართველ და არაქართველ ბავშვებთან.“ ეს ჩემი სწავლისა და განვითარების საუკეთესო შანსია, მე ბედნიერი ვარ და მიხარია რომ აქ მოვხვდი“-აღნიშნავს ელიზავეტა. „მე ამაყი ვარ რადგან ჩემი შვილი ქართველი ბავშვივით ჩაატარებს ტრენინგებს სხვა ბავშვებისთვის, მიიღებს დიდ ცოდნას, რომელიც ძალიან გამოადგება მომავალში“ -აღნიშნავს ნინა დონჩენკო

გაიცანით, ვერიკო მურველაშვილი, პროექტ - "გაუმჯობესებული ბავშვთა დაცვის სისტემა გურიასა და კახეთში" - მონაწილე. ვერიკო მურველაშვილი დასაქმებისა და პროფესიული დაგეგმვის სერვისში 2022 წლის იანვარში ჩაერთო. ვერიკო მურველაშვილი 26 წლის ქალბატონია. იგი სოფელ შალაურში , მეუღლესთან მის მშობლებთან და ექვს ბავშვთან ერთად ცხოვრობს.

ვერიკოს ოჯახის წევრები წლების განმავლობაში სხვადასხვა სამეურნეო საქმიანობას ეწეოდნენ. მათ ქონდათ თონე თუმცა ვერ ახერხებდნენ საქმიანობის გაფართოებას. მათი შემოსავალი საკმაოდ მწირი იყო მრავალწევრიანი ოჯახისთვის.

პროექტის ფინანსური მხარდაჭერით ოჯახს გადაეცა თონე, ცომის საზელი აპარატი, დენის მარეგულირებელი, სხვადასხვა სათავსოები და საჭირო ინვენტარი. ოჯახმა შეძლო მოცემული ინვენტარის დანიშნულებისამებრ გამოყენება და საკუთარი შემოსავლის გაზრდა.

ვერიკო აღნიშნავს ,, არ გვჯეროდა, რომ ასეთი სასწაულები ხდება, რომ შეიძლება სრულიად უცხო ადამიანებმა ახალი ცხოვრების დაწყებისკენ გიბიძგონ, მოგკიდონ ხელი და რეალური ცვლილებებისკენ წაგიყვანონ. ახლა წინ დიდი გზაა, ახალი გეგმები და ვფიქრობ კარგი ამბები ახლა იწყება".

პროექტი გერმანიის ეკონომიკური თანამშრომლობისა და განვითარების, ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით ხორციელდება.

ნანა გაგნიძე 41 წლის ქალბაონია. ნანა სოფელ ვარდისუბანში შვილებთან ერთად ცხოვრობს. იგი სოციალურად დაუცველია, მისი სოციალურ დახმარება 200 ლარს შეადგენს. ნანა პროფესიით სტილისტია, მისი სამუშაო გამოცდილება 5 წელზე მეტს ითვლის. მას უმუშავია სხვადასხვა სალონში. ნანა იხსენებს ,, წლები ძალიან მწირ შემოსავალზე ვმუშაობდი, ხშირად მიჭირდა მოცემული თანხით ბავშვების საჭიროებების დაკმაყოფილება, მაგრამ სხვა გზა არ იყო უნდა მემუშავა“ , ნანას მონათხრობიდან ვიგებთ, რომ იგი ძირითადად დასაქმებული იყო სხვის სალონებში, სადაც მას საკუთარი ინვენტარი ძირითადად არ ჰქონია, მას უწევდა როგორც სალონის ქირის, ასევე ინვენტარის საფასურის გადახდა. ,, როდესაც ცოტა გავიმართებოდი, კაპიკს კაპიკზე ვადებდი და ინვენტარს ვყიდულობდი. ვფიქრობდი, დღეს კი აქ ვარ მაგრამ ხვალ რას ვიზავ?! ხომ უნდა მქონდეს ჩემი?!“ ამ ფიქრებმა ნანა იქამდე მიიყვანა, რომ რამდენიმე წელში ინვენტარის უმეტესობა უკვე თავისი ქონდა, მაგრამ აქ შემდეგი საკითხი იჩენდა თავს.

ტექნიკა ძველდება, ფუჭდება, ტყდება, თან როდესაც ეს ტექნიკა არ არის ისეთი ხარისხის, როგორიც უნდა იყოს. - ,, ასეთ დროს ხშირად ვფიქრობდი, რას შევთავაზებ მომხმარებელს?! გატეხილი  წებოვანი ლენტით გადახვეული ფენით თმის გაშრობას ყველა ისურვებს?! - იქნებ ამიტომაც ვერ მივდივარ წინ“.  სწორედ ამ ფიქრების დროს გამოჩნდა კახეთის სამხარეო ცენტრი და SOS ბავშვთა სოფელი- ასმათი, მარი და ნინო. ამ ადამიანებმა მომცეს იმის საშუალება, რომ საკუთარ თავში კიდევ ერთხელ მეპოვა ძალა,  ვყოფილიყავი მიზანსწრაფული, მებრძოლი და აქტიური ქალი, რომელიც აუცილებლად იმუშავებს და იქნება წარმატებული.  

,,პროქტში მონაწილეობა ძალიან საინტერესო აღმოჩნდა, ამ ადამიანებმა, რეალურად ამოიცნეს ის საჭიროებები, რაც მე ამ ეტაპზე მქონდა. - ახლა ძალიან ამაყი ვარ, მაქვს განახლებული ტექნიკა, ინვენტარი და რაც მთავარია გაღიმებული სახე, ეს იმ ახალ ჩამოკიდებულ სარკეში შევამჩნიე, რომელიც ერთ-ერთი საჩუქარია, რაც მე ამ პროექტისგან მივიღე“.